Habib Nurmagomedov UFC yengil vazn divizionida o‘zidan keyingi chempion kim bo‘lishini aytdi

Yengil vazn toifasida UFC chempioni Habib Nurmagomedov o‘zi harakat qiladigan divizionning keyingi chempioni haqida gapirdi.

“Islom Maxachevni hisobga olmaganda, UFC’ning keyingi chempioni kim? Eng katta foiz Dastin Poryeda. U menga yutqazdi, biroq yaxshi jang o‘tkazdi. Menga yutqazganidan keyingi jangda g‘alabaga erishdi. Yengil vazn toifasida hamma teng, biroq men Dastinni alohida ajratib ko‘rsatgan bo‘lardim.

Maykl Chendler? U o‘zining eng yaxshi yillarini Bellator’da o‘tkazgan, barcha kuchini o‘sha yerda qoldirgan. Ikkita jang oldin u yarim yengil vazn toifasi vakiliga nokaut bo‘lgandi”, — deydi Habib.

Eslatib o‘tamiz, Habib yengil vazn toifasi chempionligini uch bor — Konor Makgregor, Dastin Porye va Jastin Getjiga qarshi janglarda himoya qildi. UFC 254 musobaqasi doirasida Getjiga qarshi kechgan jangdagi g‘alabadan keyin rossiyalik sportchi faoliyatini yakunlashini ma’lum qilgandi.