Yengil vazn toifasida UFC chempioni Habib Nurmagomedov 1-dekabr kuni Toshkentda bo‘lib o‘tgan matbuot anjumanida MMA sport turini Olimpiada dasturiga kiritish masalasidagi fikri bilan bo‘lishdi. Bu haqda “Daryo” muxbiri xabar qilmoqda.
MMA’ni Olimpiada dasturiga kiritilishi — mening yaqin yillar ichidagi asosiy vazifalarimdan biri, biz allaqachon bu yo‘nalishda ish olib boryapmiz. Yaqin orada bu borada ko‘plab uchrashuvlarda qatnashaman, xususan, xalqaro Olimpiya qo‘mitasi prezidenti bilan ham ko‘rishaman. O‘ylashimcha, Parijdagiga (2024-yil) bo‘lmasa ham, Los-Anjelesdagi o‘yinlarga MMA’ni olib kirish imkoniyatimiz yuqori.Bunda yagona savol — sportning beshafqatligida. Olimpiadada bu oqlanmaydi, ular ko‘p qon bo‘lishi istamaydi. Shu sabab boks qoidalariga ham o‘zgartirishlar kiritilgan.
Biroq mashhurlik, homiylarni jalb qilish, televideniye qiziqishi bo‘yicha MMA, o‘ylashimcha, Olimpiadada futbol va yengil atletika bilan bir xil darajada turadi.
2024-yilgi Olimpiadaga ulgurmasak kerak, biroq 2028-yilgi o‘yinlarga MMA’ni olib kirishni istardik.
Habib Nurmagomedov, UFC jangchisi
Mavzuga doir:
- Habib Nurmagomedov egalik qiladigan EFC promousheni O‘zbekistonda musobaqa o‘tkazadi
- Bolalik, UFC, yashash tarzi, mashinalar va shaxsiy hayot. Habib Nurmagomedovning hayot yo‘li haqida
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)