Енгил вазн тоифасида UFC чемпиони Ҳабиб Нурмагомедов ўзи ҳаракат қиладиган дивизионнинг кейинги чемпиони ҳақида гапирди.
«Ислом Махачевни ҳисобга олмаганда, UFC’нинг кейинги чемпиони ким? Энг катта фоиз Дастин Порьеда. У менга ютқазди, бироқ яхши жанг ўтказди. Менга ютқазганидан кейинги жангда ғалабага эришди. Енгил вазн тоифасида ҳамма тенг, бироқ мен Дастинни алоҳида ажратиб кўрсатган бўлардим.
Майкл Чендлер? У ўзининг энг яхши йилларини Bellator’да ўтказган, барча кучини ўша ерда қолдирган. Иккита жанг олдин у ярим енгил вазн тоифаси вакилига нокаут бўлганди», — дейди Ҳабиб.
Эслатиб ўтамиз, Ҳабиб енгил вазн тоифаси чемпионлигини уч бор — Конор Макгрегор, Дастин Порье ва Жастин Гэтжига қарши жангларда ҳимоя қилди. UFC 254 мусобақаси доирасида Гэтжига қарши кечган жангдаги ғалабадан кейин россиялик спортчи фаолиятини якунлашини маълум қилганди.
Изоҳ (0)