Parijdagi auksionda 1-dekabr kuni Eyfel minorasining bir bo‘lagi sotuvga qo‘yildi. Artcurial kimoshdi uyining ma’lum qilishicha, lot 275 ming yevroga sotilgan, deb xabar beradi “Korrespondent.net”.
Minora bo‘lagi ismini oshkor qilmagan yevropalik kolleksioner tomonidan sotuvga qo‘yilgan. Uning boshlang‘ich narxi 30 ming yevroni tashkil etgan.
Ma’lumotlarga ko‘ra, sotuvga qo‘yilgan lotning balandligi 3 metrga yetgan bo‘lib, u avvallari Eyfel minorasining ikkinchi va uchinchi qavatini birlashtirib turgan spiralsimon zinaning bir qismi bo‘lgan.
Eslatib o‘tamiz, 2016-yilda amerikalik xaridorga Eyfel zinasining to‘qqizta pog‘onasi sotilgan edi. O‘shanda uning narxi 550 ming dollarni tashkil etgandi.
Izoh (0)