“Ummon” guruhida faoliyatini boshlab, keyinchalik yakkaxon xonanda sifatida qo‘shiqlar ijro etgan xonanda Shohruh Alloh yo‘lida qo‘shiq aytish va san’atni tark etganini ma’lum qildi.
“Bu yo‘lni tark etdim. Alloh rozi bo‘lsin hammadan. Alloh qilgan gunohlarimizni, shuncha qilgan yomon ishlarimizni kechirsin. Bu soha bilan mashg‘ul bo‘lmoqchi bo‘lgan odamlarga shu narsani ta’kidlab o‘tmoqchiman: bu yo‘l yaxshi emas. Shu yo‘lda 12 yildan beri yurgan bo‘lsam, shunchaki halovatingizni yo‘qotasiz. Chiqasiz, mashhur bo‘lasiz. Hamma sizni olqishlaydi. Bandasi sizni qarsak chalib kutib oladi. Lekin bandasi uchun emas, Alloh uchun harakat qilish kerak ekan inson. Shu narsani dilimga tuggan edim. Xudodan so‘rardim, hidoyatingni ber, shu yo‘ldan chiqib ketay, shu yo‘lni tark etay, deb so‘rardim. Har kuni kechasi uyga qaytayotganimda o‘zimga o‘zim savol berardim: ‘Qachon bu yo‘lni tark etaman, nima qilyapman bu yo‘lda, maqsadim nima?’, deb. Bu qarorni kecha qabul qildim. Sardor aka Rahimxon, Alloh rozi bo‘lsin, sababchi bo‘lib qoldilar”, — deydi Shohruh.
Ma’lumot uchun, bu o‘zbek shou-biznesi vakillarining Alloh yo‘lida san’atni tark etishi bilan bog‘liq birinchi holat emas. Bunga qadar aktyorlar Farruh Soipov va Sherzod Bin, xonanda Sardor Rahimxon ham san’atni tark etganini ma’lum qilgan.
Izoh (0)