«Уммон» гуруҳида фаолиятини бошлаб, кейинчалик яккахон хонанда сифатида қўшиқлар ижро этган хонанда Шоҳруҳ Аллоҳ йўлида қўшиқ айтиш ва санъатни тарк этганини маълум қилди.
«Бу йўлни тарк этдим. Аллоҳ рози бўлсин ҳаммадан. Аллоҳ қилган гуноҳларимизни, шунча қилган ёмон ишларимизни кечирсин. Бу соҳа билан машғул бўлмоқчи бўлган одамларга шу нарсани таъкидлаб ўтмоқчиман: бу йўл яхши эмас. Шу йўлда 12 йилдан бери юрган бўлсам, шунчаки ҳаловатингизни йўқотасиз. Чиқасиз, машҳур бўласиз. Ҳамма сизни олқишлайди. Бандаси сизни қарсак чалиб кутиб олади. Лекин бандаси учун эмас, Аллоҳ учун ҳаракат қилиш керак экан инсон. Шу нарсани дилимга тугган эдим. Худодан сўрардим, ҳидоятингни бер, шу йўлдан чиқиб кетай, шу йўлни тарк этай, деб сўрардим. Ҳар куни кечаси уйга қайтаётганимда ўзимга ўзим савол берардим: ‘Қачон бу йўлни тарк этаман, нима қиляпман бу йўлда, мақсадим нима?’, деб. Бу қарорни кеча қабул қилдим. Сардор ака Раҳимхон, Аллоҳ рози бўлсин, сабабчи бўлиб қолдилар», — дейди Шоҳруҳ.
Маълумот учун, бу ўзбек шоу-бизнеси вакилларининг Аллоҳ йўлида санъатни тарк этиши билан боғлиқ биринчи ҳолат эмас. Бунга қадар актёрлар Фарруҳ Соипов ва Шерзод Бин, хонанда Сардор Раҳимхон ҳам санъатни тарк этганини маълум қилган.
Изоҳ (0)