25-noyabr kuni internetda Huawei kompaniyasining navbatdagi flagmanini ilk kompyuter surati paydo bo‘ldi. Taxminlarga ko‘ra, model Huawei P50 Pro nomiga ega bo‘ladi, deb yozadi IXBT.
Bu norasmiy renderlar bo‘lishiga qaramay, ular Huawei tomonidan ro‘yxatdan o‘tkazilgan patentlar asosida yaratilgan, shu sababli suratdagi dizayn butunlay puch emas.
Suratga ko‘ra, Huawei P50 Pro dizayni asosiy kamerasi bilan alohida ajralib turadi, u qirqilgan bitta aylana ichida joylashgan. Asosiy kamera bloki o‘z ichiga to‘rtta datchikni olgan.
Avvalroq Huawei kompaniyasi o‘zining navbatdagi flagmanlari seriyasini 2021-yilning birinchi yarmida taqdim etishi to‘g‘risida xabarlar paydo bo‘lgandi. Manbaning tasdiqlashicha, kompaniya Huawei P50’ga bir kristalli Kirin 9000 tizimini o‘rnatadi.
Bundan tashqari, xabarda yozilishicha, Huawei P50’ga displeylarni Samsung Display hamda LG Display yetkazib beradi. Aftidan, hozir ular ishlab chiqarishni yo‘lga qo‘ygan. Shuningdek, manbaning qo‘shimcha qilishicha, Samsung va LG Huawei P50 uchun displeylarni aniq yetakazib beradi, biroq ular Huawei Mate 50 uchun ham buyurtmalar olish-olmasligi noma’lum.
Avvalroq Huawei o‘zining termometrga ega smartfonini patentlagani to‘g‘risida xabar berilgandi.
Izoh (0)