“Barselona” sobiq prezidenti Joan Laporta yana klub rahbarligiga o‘z nomzodini qo‘yishga qaror qildi. Bu haqda uning o‘zi ma’lum qildi.
Bu ishni “Barselona”ni, uning muxlislari va La Masiyani sevganim uchun qilyapman. Men bu klubni yaxshi ko‘raman va u uchun yana xizmat qilishga tayyorman.Ma’lumot uchun, Joan Laporta “Barselona” prezidentligini 2003—2010-yillar davomida bajargan. Uning boshqaruvida Kataloniya klubi to‘rt bor La Liga va ikki bor Chempionlar Ligasida muvaffaqiyat qozongan.Biz ma’lum tayyorgarlikni ko‘rdik, “Barselona”da o‘zgarishlar qilish va uni futbol cho‘qqisiga qaytarish uchun bizda tajriba va ishonch bor. Klubning millionlab muxlislari yangi yutuqlarni ko‘rishni istaydi. Biz “Barselona”ga g‘ururni qaytarishimiz kerak. Men klubni oliy o‘rinlarga olib chiqmoqchiman.
“Barselona” ijobiy hissiyotlar manbayiga aylanishi, futbolchilarimizga motivatsiyani qaytarish, biz uchun har yili asosiy musobaqa hisoblangan Chempionlar Ligasida yetakchilik qilish uchun tinmay ishlashga tayyorman.
“Barselona” va Chempionlar Ligasi — bu muvaffaqiyat tarixi va afsuski, u barbod bo‘ldi. Biz bu cho‘qqiga qaytish uchun kerakli ishlarni amalga oshiramiz.
“Barselona” prezidenti bo‘lish men uchun ulkan sharaf bo‘ldi. Bu hayotimning eng yaxshi yillari edi. Shunday ekan bu lavozimga qaytish — hayotimdagi eng katta chorlov.
Joan Laporta, “Barselona” sobiq prezidenti
Laporta o‘z vaqtida Ronaldinyo, Samyuel Eto’O va boshqa bir qator yulduzlarni jamoaga olib kelgandi. Shuningdek, uning davrida “Barselona” sobiq ustozi Frank Raykard va qator o‘yinchilardan voz kechgan holda, Pep Gvardiolaning “Barselona”siga asos solingandi.
Ayni vaqtda “Barselona” prezidentiligi uchun 8 kishi o‘z nomzodini qo‘ygan. Saylovlar 2021-yilning yanvarida bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)