«Барселона» собиқ президенти Жоан Лапорта яна клуб раҳбарлигига ўз номзодини қўйишга қарор қилди. Бу ҳақда унинг ўзи маълум қилди.
Бу ишни «Барселона»ни, унинг мухлислари ва Ла Масияни севганим учун қиляпман. Мен бу клубни яхши кўраман ва у учун яна хизмат қилишга тайёрман.Маълумот учун, Жоан Лапорта «Барселона» президентлигини 2003—2010 йиллар давомида бажарган. Унинг бошқарувида Каталония клуби тўрт бор Ла Лига ва икки бор Чемпионлар Лигасида муваффақият қозонган.Биз маълум тайёргарликни кўрдик, «Барселона»да ўзгаришлар қилиш ва уни футбол чўққисига қайтариш учун бизда тажриба ва ишонч бор. Клубнинг миллионлаб мухлислари янги ютуқларни кўришни истайди. Биз «Барселона»га ғурурни қайтаришимиз керак. Мен клубни олий ўринларга олиб чиқмоқчиман.
«Барселона» ижобий ҳиссиётлар манбайига айланиши, футболчиларимизга мотивацияни қайтариш, биз учун ҳар йили асосий мусобақа ҳисобланган Чемпионлар Лигасида етакчилик қилиш учун тинмай ишлашга тайёрман.
«Барселона» ва Чемпионлар Лигаси — бу муваффақият тарихи ва афсуски, у барбод бўлди. Биз бу чўққига қайтиш учун керакли ишларни амалга оширамиз.
«Барселона» президенти бўлиш мен учун улкан шараф бўлди. Бу ҳаётимнинг энг яхши йиллари эди. Шундай экан бу лавозимга қайтиш — ҳаётимдаги энг катта чорлов.
Жоан Лапорта, «Барселона» собиқ президенти
Лапорта ўз вақтида Роналдиньо, Самюуэль Это’O ва бошқа бир қатор юлдузларни жамоага олиб келганди. Шунингдек, унинг даврида «Барселона» собиқ устози Франк Райкард ва қатор ўйинчилардан воз кечган ҳолда, Пеп Гвардиоланинг «Барселона»сига асос солинганди.
Айни вақтда «Барселона» президентилиги учун 8 киши ўз номзодини қўйган. Сайловлар 2021 йилнинг январида бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)