Surxondaryo viloyati Denov tumanidagi neftbaza hududida maxsus-taktik o‘quv mashg‘uloti o‘tkazildi, deb xabar beradi FVV matbuot xizmati. Avvalroq Toshkent viloyatining Chinoz tumanidagi paxta neftbazasida 5000 tonna sig‘imli yoqilg‘i sisternasida yong‘in chiqqan edi.
Ma’lum qilinishicha, FVV Surxondaryo viloyati boshqarmasi hamda FVDT tarkibiga kiruvchi tashkilot va idoralar bilan o‘zaro hamkorlikda Denov tumani neftbazasi hududida “Kuz-qish mavsumiga tayyorgarlik ko‘rish va betalafot o‘tkazish hamda sodir bo‘lishi mumkin bo‘lgan favqulodda vaziyatlarning oqibatlarini bartaraf etish” mavzusida maxsus-taktik o‘quv mashqi bo‘lib o‘tgan.
“O‘tkazilgan o‘quv mashqida aholi va hududlarni muhofaza qilish funksiyasiga ega bo‘lgan hamkor tashkilot va idoralar xodimlarining favqulodda vaziyatlarda harakat qilish ko‘nikmalari amalda mustahkamlandi”, — deyiladi xabarda.
Eslatib o‘tamiz, Chinozdagi paxta neftbazasida chiqqan yong‘inni o‘chirishga qariyb 7 soat ketgan, voqea joyiga FVVning 35 ta maxsus texnikasi hamda 130 nafar xodimi jalb etilgan
Izoh (0)