Сурхондарё вилояти Денов туманидаги нефтбаза ҳудудида махсус-тактик ўқув машғулоти ўтказилди, деб хабар беради ФВВ матбуот хизмати. Аввалроқ Тошкент вилоятининг Чиноз туманидаги пахта нефтбазасида 5000 тонна сиғимли ёқилғи цистернасида ёнғин чиққан эди.
Маълум қилинишича, ФВВ Сурхондарё вилояти бошқармаси ҳамда ФВДТ таркибига кирувчи ташкилот ва идоралар билан ўзаро ҳамкорликда Денов тумани нефтбазаси ҳудудида «Куз-қиш мавсумига тайёргарлик кўриш ва беталафот ўтказиш ҳамда содир бўлиши мумкин бўлган фавқулодда вазиятларнинг оқибатларини бартараф этиш» мавзусида махсус-тактик ўқув машқи бўлиб ўтган.
«Ўтказилган ўқув машқида аҳоли ва ҳудудларни муҳофаза қилиш функциясига эга бўлган ҳамкор ташкилот ва идоралар ходимларининг фавқулодда вазиятларда ҳаракат қилиш кўникмалари амалда мустаҳкамланди», — дейилади хабарда.
Эслатиб ўтамиз, Чиноздаги пахта нефтбазасида чиққан ёнғинни ўчиришга қарийб 7 соат кетган, воқеа жойига ФВВнинг 35 та махсус техникаси ҳамда 130 нафар ходими жалб этилган
Изоҳ (0)