Argentina poytaxti Buenos-Ayresda bo‘lib o‘tgan Diyego Maradonani so‘nggi yo‘lga kuzatish marosimida tartibsizliklar yuzaga keldi.
Prezident qarorgohida o‘tkazilgan marosim muddatidan avval yakunlandi.
Maradona bilan xayrlashish uchun yuz minglab odam yig‘ilgan. Tartibsizliklar marosim tugashiga ikki soat vaqt qolganda qarorgoh asosiy kirish joyi yopilganidan keyin yuzaga kelgan.
Odamlar to‘siqlardan oshib o‘tishga harakat qilgan, politsiyachilarga qarata turli buyumlar va toshlar otilgan. Politsiya ko‘zdan yosh oqizadigan gaz, rezina o‘q va vodomyotlardan foydalanishga majbur bo‘lgan, deya xabar qilmoqda Infobae.
Avvaliga Maradonaning tobuti xavfsizroq joyga olib o‘tilgan, keyin esa marosimni muddatidan avval yakunlashga to‘g‘ri kelgan. Tartibsizliklar natijasida 9 kishi hibsga olingan, deya xabar qilmoqda Marca.
Maradona ota-onasining qabri joylashgan qabristonga dafn qilinadi.
Eslatib o‘tamiz, Maradonaning o‘limi sabab Argentinada uch kunlik motam e’lon qilingan.
Así fueron los incidentes en la puerta de la Casa Rosada https://t.co/d6AWOzG2lp pic.twitter.com/cXySRq6CMk
— infobae (@infobae) November 26, 2020
#ATENCIÓN | #Maradona | Incidentes en la avenida de Mayo: comienzan las corridas y la gente tira las vallas luego de que se cierren los accesos al velorio pic.twitter.com/C8QwG4J1em
— Dataclave (@Dataclave) November 26, 2020
Mavzuga doir:
- Diyego Maradona 23 yil avval futbol bilan xayrlashgandi, bugun esa... Argentinalik dahoning so‘nggi uchrashuvi
- Maradonaning neapollik bemor bolaga yordam berish uchun klubga qarshi chiqib, loy maydonda o‘ynab gol urgani haqida kichik hikoya
- Argentinadan Suriyagacha. Muxlislar Diyego Maradona bilan vidolashmoqda (fotogalereya)
- “Sukut, ko‘z yosh, og‘riq”. Sport olamidagi mashhurlar Diyego Maradonaning o‘limi haqida
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)