Аргентина пойтахти Буэнос-Айресда бўлиб ўтган Диего Марадонани сўнгги йўлга кузатиш маросимида тартибсизликлар юзага келди.
Президент қароргоҳида ўтказилган маросим муддатидан аввал якунланди.
Марадона билан хайрлашиш учун юз минглаб одам йиғилган. Тартибсизликлар маросим тугашига икки соат вақт қолганда қароргоҳ асосий кириш жойи ёпилганидан кейин юзага келган.
Одамлар тўсиқлардан ошиб ўтишга ҳаракат қилган, полициячиларга қарата турли буюмлар ва тошлар отилган. Полиция кўздан ёш оқизадиган газ, резина ўқ ва водомётлардан фойдаланишга мажбур бўлган, дея хабар қилмоқда Infobae.
Аввалига Марадонанинг тобути хавфсизроқ жойга олиб ўтилган, кейин эса маросимни муддатидан аввал якунлашга тўғри келган. Тартибсизликлар натижасида 9 киши ҳибсга олинган, дея хабар қилмоқда Marca.
Марадона ота-онасининг қабри жойлашган қабристонга дафн қилинади.
Эслатиб ўтамиз, Марадонанинг ўлими сабаб Аргентинада уч кунлик мотам эълон қилинган.
Así fueron los incidentes en la puerta de la Casa Rosada https://t.co/d6AWOzG2lp pic.twitter.com/cXySRq6CMk
— infobae (@infobae) November 26, 2020
#ATENCIÓN | #Maradona | Incidentes en la avenida de Mayo: comienzan las corridas y la gente tira las vallas luego de que se cierren los accesos al velorio pic.twitter.com/C8QwG4J1em
— Dataclave (@Dataclave) November 26, 2020
Мавзуга доир:
- Диего Марадона 23 йил аввал футбол билан хайрлашганди, бугун эса... Аргентиналик даҳонинг сўнгги учрашуви
- Марадонанинг неаполлик бемор болага ёрдам бериш учун клубга қарши чиқиб, лой майдонда ўйнаб гол ургани ҳақида кичик ҳикоя
- Аргентинадан Суриягача. Мухлислар Диего Марадона билан видолашмоқда (фотогалерея)
- «Сукут, кўз ёш, оғриқ». Спорт оламидаги машҳурлар Диего Марадонанинг ўлими ҳақида
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)