Yengil vazn toifasida UFC chempioni Habib Nurmagrmedovning amakivachchasi Umar Nurmagomedov UFC 257 musobaqasida promoushendagi debyutini o‘tkazadi, deya xabar qilmoqda “TASS”.
Rossiyalik jangchiga qozog‘istonlik Sergey Morozov raqiblik qiladi. Ular o‘rtasidagi jang aslida UFC 254 musobaqasida o‘tishi kerak edi, biroq Umar kasal bo‘lib qolgani bois jang bekor qilingandi.
UFC 257 musobaqa 2021-yilning 23-yanvarida Abu-Dabidagi “Jangchilar oroli”da bo‘lib o‘tadi. Uning asosiy jangi Konor Makgregor va Dastin Porye o‘rtasida kechadi.
Eslatib o‘tamiz, bu Umar uchun UFC’dagi debyut jangni o‘tkazish uchun to‘rtinchi urinish bo‘ladi. Bunga qadar uning uchta jangi turli sabablarga ko‘ra bekor bo‘lgandi.
Umar Nurmagomedov MMA’da 19 jang o‘tkazib, ularning barchasida g‘alaba qozongan. U so‘nggi jangini 2019-yil Toshkentda o‘tgan GFC 20 musobaqasida o‘tkazgan va unda Brayan Gonsalesni mag‘lub etib, chempionlik kamarini himoya qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)