“Barselona” jamoasi Chempionlar Ligasi 4-turi doirasida 24-noyabr, shanba kuni “Dinamo K”ga qarshi bahs olib boradi. O‘yin Toshkent vaqti bilan 25-noyabrga o‘tar kechasi 01:00 da boshlanadi.
Katalonlar ustozi Ronald Kuman uchrashuvga jalb etilgan futbolchilar kengaytirilgan tarkibini e’lon qildi. Undan 19 nafar futbolchi o‘rin olgan.
Uchrashuvni jarohat sabab Ansu Fati, Serxi Roberto, Xerard Pike va Serxio Buskets kabi futbolchilar o‘tkazib yuboradi. Shuningdek, murabbiylar shtabi Frenki de Yong va Lionel Messiga dam olish imkoniyatini taqdim etgan.
Qaydnomadan joy olgan futbolchilar bilan tanishing:
Darvozabonlar: Mark Andre ter Shtegen, Neto, Inyaki Penya;
Himoyachilar: Xordi Alba, Xunior Firpo, Kleman Langle, Serjinyo Dest, Oskar Mingesa;
Yarim himoyachilar: Filippe Koutinyo, Miralem Pyanich, Karles Alenya, Pedri Gonsales, Rikard Puch, Mateus Fernandes;
Hujumchilar: Martin Breytueyt, Antuan Grizmann, Usmon Dembele, Konrad de la Fuente, Fransishku Trinkau.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)