«Барселона» жамоаси Чемпионлар Лигаси 4-тури доирасида 24 ноябрь, шанба куни «Динамо К»га қарши баҳс олиб боради. Ўйин Тошкент вақти билан 25 ноябрга ўтар кечаси 01:00 да бошланади.
Каталонлар устози Рональд Куман учрашувга жалб этилган футболчилар кенгайтирилган таркибини эълон қилди. Ундан 19 нафар футболчи ўрин олган.
Учрашувни жароҳат сабаб Ансу Фати, Серхи Роберто, Херард Пике ва Серхио Бускетс каби футболчилар ўтказиб юборади. Шунингдек, мураббийлар штаби Френки де Йонг ва Лионель Мессига дам олиш имкониятини тақдим этган.
Қайдномадан жой олган футболчилар билан танишинг:
Дарвозабонлар: Марк Андре тер Штеген, Нето, Иняки Пеня;
Ҳимоячилар: Хорди Альба, Хуниор Фирпо, Клеман Лангле, Сержиньо Дест, Оскар Мингеса;
Ярим ҳимоячилар: Филиппе Коутиньо, Миралем Пьянич, Карлес Аленья, Педри Гонсалес, Рикард Пуч, Матеус Фернандес;
Ҳужумчилар: Мартин Брэйтуэйт, Антуан Гризманн, Усмон Дембеле, Конрад де ла Фуэнте, Францишку Тринкау.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)