Toshkent shahri koronavirus pandemiyasi davrida dunyodagi narx-navo eng arzon bo‘lgan shaharlar qatoridan joy oldi. Bu haqda The Economist nashri ma’lumotlariga tayanib, “Gazeta.uz” xabar berdi.
The Economist nashri tomonidan e’lon qilingan dunyoning yashash eng arzon va eng qimmat bo‘lgan shaharlari ro‘yxatida Toshkent shahri eng arzon shaharlar ro‘yxatida Damashqdan keyingi o‘rinni egallagan.
Worldwide Cost of Living (butun dunyo bo‘ylab yashash qiymati) bu har ikki yilda bir marta The Economist Intelligence Unit tomonidan o‘tkaziladigan tadqiqot bo‘lib, dunyodagi 130 dan ortiq shaharda 138 ta mahsulot va xizmat bo‘yicha 400 dan ortiq individual narxni taqqoslaydi va mijozlar so‘rovlariga binoan moslashtirilgan shahar ro‘yxatini yaratish imkoniyatini beradi.
Unga ko‘ra, eng qimmat shaharlar beshtaligiga quyidagilar kirgan:
- Tsyurix (Shveysariya)
- Parij (Fransiya)
- Gonkong (Xitoy)
- Singapur (Singapur)
- Tel-Aviv (Isroil)
- Damashq (Suriya)
- Toshkent (O‘zbekiston)
- Lusaka (Zambiya)
- Karakas (Venesuela)
- Olmaota (Qozog‘iston)
Eslatib o‘tamiz, The Economist tomonidan 2020-yilning mart oyida e’lon qilingan ro‘yxatda Toshkent 132-o‘rinni egallab, eng arzon shaharlar qatoridan joy olgandi. Yangi reytingda Toshkent 132-o‘rinni saqlab qolgan.
Izoh (0)