Rossiyalik mashhur yakkakurashchi Fyodor Yemelyanenko yengil vazn toifasida UFC chempioni Habib Nurmagomedovning faoliyatini yakunlagani borasida fikr bildirdi.
“Bu Habibning qarori. Sportchi qachon tugatish kerakligini his qiladi: sog‘lig‘i tufayli, tug‘ishganlari va yaqinlari yoki boshqa kimgadir bergan va’dasi tufayli”, — deydi Yemelyanenko.
Eslatib o‘tamiz, 24-oktabr kuni Abu-Dabidagi (BAA) “Jangchilar oroli”da bo‘lib o‘tgan musobaqa asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.
Bu g‘alaba orqali Habib uchinchi marta kamarini himoya qildi. Undan avval u Konor Makgregor va Dastin Poryeni taslim etgandi. Jangdan so‘ng rossiyalik yakkakurashchi faoliyatida ilk bor promoushen umumiy reytingida birinchi o‘ringa ko‘tarildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)