“Manchester Yunayted” klubi va Angliya terma jamoasi hujumchisi Markus Reshford bolalarda kitob o‘qishga bo‘lgan qiziqishni oshirish uchun kitobxonlar klubini ochdi, deya xabar qilmoqda Sky Sports.
O‘yinchi bu masalada Macmillan Children's Books (MCB) bilan hamkorlikda ishlamoqda. Uning maqsadi istalgan ijtimoiy tabaqadagi bolalarga kitobga ega bo‘lish imkoniyatini yaratish. MCB vakillariga ko‘ra, kitoblar ilk navbatda aholining kam ta’minlangan qatlamiga taqdim etiladi.
Reshford o‘z vaqtida kitob o‘qishni juda xohlagani, biroq oilasining daromadi asosan oziq-ovqat uchun sarflangani haqida gapirdi.
Avvalroq Reshford pandemiya sabab o‘z uyida ta’lim olayotgan bolalarni tushlik bilan ta’minlash borasida Buyuk Britaniya hukumatiga taklif bilan chiqqan va o‘z maqsadiga erishgandi. Buning uchun futbolchi Britaniya imperiyasi ordeni kavaleri unvoni bilan taqdirlangandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)