Boks bo‘yicha beshta vazn toifasida sobiq Jahon chempioni Floyd Meyvezer (50-0, 27 KO) kelajakdagi rejalari haqida gapirdi.
“Tokio, Yaponiya. Men 2021-yilda qaytaman.
Bilaman, 2021-yilda u yerda Olimpiada bo‘lib o‘tadi, ammo men — Floyd Meyvezerman va jamoam bilan Tokioda olamshumul voqeani amalga oshirmoqchimiz”, — deydi amerikalik sportchi.
Ta’kidlanishicha, Meyvezer ishtirokidagi jang 28-fevral sanasiga rejalashtirilgan. Raqib hozircha noma’lum.
Floyd so‘nggi jangini 2017-yilda MMA yulduzi Konor Makgregorga qarshi o‘tkazgan va 10-raundda irlandiyalik sportchini nokautga uchratgandi.
Keyinchalik Meyvezer 2020-yilda ringga qaytishi ma’lum qilgandi, biroq koronavirus tufayli yuzaga kelgan vaziyat sabab uning bu rejasi amalga oshmadi.
Izoh (0)