Futbol bo‘yicha Millatlar Ligasining 5-tur o‘yinlari 14-noyabr, shanba kuni start oldi.
Germaniya terma jamoasi o‘z maydonida Ukrainani qabul qildi. Andrey Shevchenko jamoasidagi bir necha o‘yinchida koronavirus aniqlanganiga qaramay, o‘yin o‘tkazildi. Dastlab mehmonlar Roman Yaremchukning goli evaziga oldinga o‘tib oldi. Bunga maydon egalari Timo Vernerning dubli va Leroy Sanening goli bilan javob qaytardi.
Guruhning ikkinchi o‘yinida Ispaniya termasi Shveysariya mehmoni bo‘ldi. Uchrashuvning 26-daqiqasida Remo Froyler mezbonlarni hisobda oldinga olib chiqdi. Bunga ispanlar so‘nggi daqiqalarda Xerar Morenoning goli bilan javob qaytardi. E’tiborlisi, ispanlar sardori Serxio Ramos ikki marta penaltidan foydalana olmadi.
A Liga 4-guruhida nemislar 9 ochko to‘plagan holda peshqadamlikni o‘z qo‘liga oldi. Ispaniya hisobida esa 8 ochko bor. Ukraina (6) va Shveysariya (3) esa keyin o‘rinlarda qolmoqda.
Portugaliya terma jamoasi o‘z maydonida Fransiyani qabul qildi. Ikkinchi bo‘lim debyutida Ngolo Kante tomonidan urilgan gol o‘yin taqdirini hal qilib berdi. Guruhning parallel uchrashuvida Shvetsiya terma jamoasi Xorvatiyadan ustun keldi.
5-turdan keyin A Liga 3-guruhida Fransiya 13 ochko bilan peshqadam bo‘lib turibdi. Keyingi o‘rinda Portugaliya (10) bormoqda.
Millatlar Ligasi
5-tur bahslari
14-noyabr, shanba
Germaniya — Ukraina 3:1
Gollar: 0:1 – 12 Yaremchuk, 1:1 – 23 Sane, 2:1 – 33 Verner, 3:1 – 64 Verner.Germaniya: Noyer, Zyule, Maks, Kox, Ryudiger, Sane (Valdshmidt, 86), Goretska, Gnabri, Gundo‘g‘an, Ginter, Verner (Brandt, 76).
Ukraina: Pyatov, Konoplya, Matviyenko, Sobol, Zinchenko (Xaratin, 86), Marlos, Malinovskiy, Zubkov (Mixaylichenko, 74), Stepanenko (Makarenko, 69), Zabarnыy, Yaremchuk (Morayes, 75).
Ogohlantirishlar: Ryudiger (28), Malinovskiy (44).
Shveysariya — Ispaniya 1:1
Gollar: 1:0 – 26 Froyler, 1:1 – 89 Xerar Moreno.Chetlatish: Elvedi (79) — Shveysariya.
Portugaliya — Fransiya 0:1
Gol: 0:1 – 53 Kante.Portugaliya: Ruy Patrisiu, Joau Kanselu, Ruben Diash, Fonte, Gerreyru, Danilu Pereyra (Serjiu Oliveyra, 85), Brunu Fernandesh (Moutinyu, 72), Bernardu Silva (Trinkau, 72), Vilyam Karvalyu (Diogu Jota, 56), Joau Feliks (Paulinyu, 85), Ronaldu.
Fransiya: Lyoris, Varan, Kimpembe, Lyuka Ernandes, Pavar, Pogba, Rabyo, Kante, Koman (Tyuram, 59), Marsyal (Jiru, 78), Grizmann.
Ogohlantirishlar: Danilu Pereyra (31), Lyoris (62), Kante (79), Lyuka Ernandes (82).
Shvetsiya — Xorvatiya 2:1
Gollar: 1:0 – 36 Kulusevski, 2:0 – 45 Danielsson, 2:1 – 81, avtogol Danielsson.San-Marino — Gibraltar 0:0
Malta — Andorra 3:1
Gollar: 0:1 – 3 Rebes, 1:1 – 55, avtogol Garsiya, 2:1 – 58 Degabriele, 3:1 – 90 Dimek.Latviya — Farer orollari 1:1
Gollar: 1:0 – 59 Kamesh, 1:1 – 60 Vatnxamar.Kipr – Lyuksemburg 2:1
Gollar: 0:1 – 5, avtogol Kusulos, 1:1 – 34, penalti Kastanos, 2:1 – 70 Kastanos.Ozarbayjon — Chernogoriya 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)