«Реал» сардори Серхио Рамоснинг мадридликлар сафидаги келажаги номаълум бўлиб қолмоқда.
Марказий ҳимоячининг «Реал»ни тарк этиши эҳтимоли 80 фоизга тенг, дея хабар қилмоқда El Chiringuito журналисти Кристобал Сориа.
Бундан ташқари, Cadena Cope журналисти Рафа Алмансанинг версиясига кўра, Рамос ПСЖга йўл олиши мумкин. Таъкидланишича, парижликлар президенти Носсир ал-Хелайфи испаниялик футболчи учун шартнома тайёрлаб қўйган. Агар Рамос «Реал» билан янги битим борасида келиша олмаса, ПСЖ унга таклиф билан чиқишга тайёр.
Қайд этилишича, 34 ёшли Серхио 4 йилга мўлжалланган шартнома хоҳламоқда.
Унинг мадридликлар билан амалдаги шартномаси 2021 йилнинг ёзида ўз ниҳоясига етади. «Реал» президенти Флорентино Перес одатда 30 ёшдан ошган футболчилар билан шартномани бир йилдан ортиқ муддатга узайтирмайди. Агар вазият январга қадар ўзгаришсиз қоладиган бўлса, Рамос қишки трансфер ойнасида бошқа клублар билан музокара ўтказиш ҳуқуқига эга бўлади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)