“Liverpul” hujumchisi Muhammad Salohning Misr terma jamoasi yig‘inida koronavirusga topshirgan testi ijobiy natija berdi. Bu haqda Misr futbol federatsiyasi xabar qildi.
Futbolchida kasallik alomatlarsiz o‘tmoqda. Terma jamoaning qolgan o‘yinchilarida test natijalari koronavirusga salbiy xulosa bergan.
Shu tariqa Saloh Misr terma jamoasining noyabr oyidagi o‘yinlarini o‘tkazib yuboradi.
Avvalroq “Liverpul” safida Tiago Alkantara, Sadio Mane, Nabi Keyta, Jerdan Shakiri va Kostas Simikas COVID-19 infeksiyasiga chalingandi.
“Qizillar”ning keyingi o‘yini 21-noyabr kuni Premyer Liga peshqadami “Lester”ga qarshi bo‘ladi.
Ma’lumot uchun, koronavirusdan tashqari jamoaga jarohatlar muammo tug‘dirmoqda. Virjil van Deyk, Tiago Alkantara, Jo Gomes, Fabinyo va Trent Aleksander-Arnold kabi yetakchi futbolchilar turli jarohatlar sabab safdan chiqqan.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)