Grippga qarshi emlash, odamlarni koronavirusdan himoya qilmaydi. Bu haqda Jahon sog‘liqni saqlash tashkilotiga tayanib, “RIA Novosti” xabar berdi.
“Hozircha koronavirusga qarshi samarali, xavfsiz va JSST tomonidan tan olingan vaksina yo‘q, biroq ko‘plab potensial dori vositalari o‘rnatilmoqda va yil oxirlariga borib, bir nechta yirik klinik sinovlar ijobiy natija berishi mumkin. Shu bilan birga, virusga qarshi dori vositalari va gripp bilan kurashishga kerak bo‘ladigan vaksinalar mavjud. Grippga qarshi vaksina COVID-19 virusiga qarshi samarali emas, lekin gripp infeksiyasining oldini olish uchun har yili vaksinatsiyadan o‘tish qattiq tavsiya etiladi”, — deyiladi JSST xabarida.
JSSTning 3-noyabrdagi ma’lumotlariga ko‘ra, butun dunyoda yaratilayotgan vaksinalar ro‘yxatida 47 ta “nomzod” bor.
Avvalroq dunyoda koronavirusga chalinganlar soni bir haftada ikki marta rekord darajaga chiqqani, yetti kunda dunyo bo‘ylab 3,6 million kishi koronavirusga chalingani to‘g‘risida xabar berilgandi. JSST 6-noyabr kuni dunyo hamjamiyatini yangi pandemiyaga tayyorlanishga chaqirgan, shu bilan birga tashkilot maktablarning koronavirus sababli yopilishiga qarshi chiqqan.
Mavzuga doir:
Rossiya Sog‘liqni saqlash vazirligining terapiya va umumiy tibbiy amaliyot bo‘yicha bosh mutaxassisi Oksana Drapkina koronavirus infeksiyasiga qarshi yana bir samarali vaksina paydo bo‘lishini “xushxabar” deb atadi. U Rossiyaning “Sputnik V” preparati samaradorligi ham 90 foizdan yuqoriligini bildirgan.
Izoh (0)