Гриппга қарши эмлаш, одамларни коронавирусдан ҳимоя қилмайди. Бу ҳақда Жаҳон соғлиқни сақлаш ташкилотига таяниб, «РИА Новости» хабар берди.
«Ҳозирча коронавирусга қарши самарали, хавфсиз ва ЖССТ томонидан тан олинган вакцина йўқ, бироқ кўплаб потенциал дори воситалари ўрнатилмоқда ва йил охирларига бориб, бир нечта йирик клиник синовлар ижобий натижа бериши мумкин. Шу билан бирга, вирусга қарши дори воситалари ва грипп билан курашишга керак бўладиган вакциналар мавжуд. Гриппга қарши вакцина COVID-19 вирусига қарши самарали эмас, лекин грипп инфекциясининг олдини олиш учун ҳар йили вакцинациядан ўтиш қаттиқ тавсия этилади», — дейилади ЖССТ хабарида.
ЖССТнинг 3 ноябрдаги маълумотларига кўра, бутун дунёда яратилаётган вакциналар рўйхатида 47 та «номзод» бор.
Аввалроқ дунёда коронавирусга чалинганлар сони бир ҳафтада икки марта рекорд даражага чиққани, етти кунда дунё бўйлаб 3,6 миллион киши коронавирусга чалингани тўғрисида хабар берилганди. ЖССТ 6 ноябрь куни дунё ҳамжамиятини янги пандемияга тайёрланишга чақирган, шу билан бирга ташкилот мактабларнинг коронавирус сабабли ёпилишига қарши чиққан.
Мавзуга доир:
Россия Соғлиқни сақлаш вазирлигининг терапия ва умумий тиббий амалиёт бўйича бош мутахассиси Оксана Драпкина коронавирус инфекциясига қарши яна бир самарали вакцина пайдо бўлишини «хушхабар» деб атади. У Россиянинг «Спутник V» препарати самарадорлиги ҳам 90 фоиздан юқорилигини билдирган.
Изоҳ (0)