AQShda COVID-19’ga chalinish holatlarining bir kecha-kunduzda kuzatilgan eng ko‘p soni qayd etildi, deb yozadi “RIA Novosti” Covid Tracking Project loyihasi ma’lumotlariga tayanib.
12-noyabr kuni 150 526 ta kasallanish holati kuzatilgan. Kasalxonalarda bunday tashxis bilan 67 mingdan ortiq kishi qolmoqda. O‘limlar soni 1,1 mingtadan oshdi.
AQShda bir kun avval ham sutkalik antirekord qayd etilgan, yangi koronavirusga chalinish bo‘yicha tasdiqlangan holatlar bir kecha-kunduzda pandemiya boshidan buyon rekord daraja — 140 mingtadan oshib, 145 835 tani tashkil qilgan edi.
Eslatib o‘tamiz, pandemiya boshidan buyon dunyo bo‘yicha 52 milliondan ortiq odam koronavirusga chalindi. Barcha holatlarning yarmidan ko‘pi beshta mamlakat hissasiga to‘g‘ri keladi, bular — AQSh, Hindiston, Braziliya, Fransiya va Rossiya.
Izoh (0)