АҚШда COVID-19’га чалиниш ҳолатларининг бир кеча-кундузда кузатилган энг кўп сони қайд этилди, деб ёзади «РИА Новости» Covid Tracking Project лойиҳаси маълумотларига таяниб.
12 ноябрь куни 150 526 та касалланиш ҳолати кузатилган. Касалхоналарда бундай ташхис билан 67 мингдан ортиқ киши қолмоқда. Ўлимлар сони 1,1 мингтадан ошди.
АҚШда бир кун аввал ҳам суткалик антирекорд қайд этилган, янги коронавирусга чалиниш бўйича тасдиқланган ҳолатлар бир кеча-кундузда пандемия бошидан буён рекорд даража — 140 мингтадан ошиб, 145 835 тани ташкил қилган эди.
Эслатиб ўтамиз, пандемия бошидан буён дунё бўйича 52 миллиондан ортиқ одам коронавирусга чалинди. Барча ҳолатларнинг ярмидан кўпи бешта мамлакат ҳиссасига тўғри келади, булар — АҚШ, Ҳиндистон, Бразилия, Франция ва Россия.
Изоҳ (0)