Александр Сергеевич Пушкин номидаги Россия давлат рус тили институти «самоизоляция», яъни ўзини изоляция қилиш ва «обнуление» (ноллаш)ни 2020 йил сўзи деб атади, деб хабар бермоқда Meduza.
«Йил сўзи» лойиҳасининг илмий раҳбари Михаил Осадчийнинг «ТАСС»га маълум қилишича, экспертлар тадқиқот доирасида дастлаб йилнинг энг муҳим ва муҳокама қилинган иккита мавзуси — пандемия ва Россия конституциясига ўзгартиш киритишни кўрсатган. Кейинчалик ОАВ матнларини таҳлил қилиш жараёнида сўнгги уч йил ичида фойдаланилиши сезиларди даражада ошган калит сўзлар аниқланган.
Хусусан, Осадчийнинг айтишича, «самоизоляция» сўзини ишлатиш 10 баробардан ошгани маълум бўлди. «Обнуление» сўзи ҳам шундай натижа қайд этилган.
Шунингдек, «голосование» (овоз бериш), «дистансирование» (масофаланиш), «карантин», «ковид», «конституция», «коронавирус», «поправки» (тузатишлар) ва «удалёнка» (масофавий) сўзлари ҳам энг кўп қўлланилган сўзлар қаторидан ўрин олган.
Аввалроқ Буюк Британиянинг Collins луғати «локдаун»ни йил сўзи деб топгани хабар берилган эди.
Изоҳ (0)