2021-yil 1-apreldan boshlab O‘zbekiston hududida faqat mikronutriyentlar (vitaminlar, mineral vositalari va mikroelementlar) bilan boyitilgan oliy navli unlarning sotilishiga ruxsat beriladi. Bu haqda O‘zbekiston Prezidentining “Aholining sog‘lom ovqatlanishini ta’minlash borasidagi qo‘shimcha chora-tadbirlar to‘g‘risida”gi qarorida so‘z boradi, deb yozadi Spot.
Shu munosabat bilan unni boyitish uchun chetdan olib kiriladigan mikronutriyentlarga nol stavkali boj o‘rnatilmoqda.
Bu nima sababdan amalga oshirilmoqda?
2019-yilda ishlab chiqarilayotgan va barcha navdagi import qilinayotgan bug‘doy unining 30 foizigina mikronutriyentlar bilan boyitilgani aniqlangan edi.
Bu kabi unni O‘zbekiston aholisining 56 foizga yaqini iste’mol qiladi. Organizmda temir tanqisligi anemiyasining (kamqonlik) oldini olish uchun aholining 90 foizini qamrab olish zarur. JSST ma’lumotlarga ko‘ra, 70 foiz ko‘rsatkich ham anemiya darajasining sezilarli darajada kamayishiga imkon beradi.
Eslatib o‘tamiz, 2020-yilning 1-aprelidan O‘zbekiston hududiga faqat mikronutriyentlar bilan boyitilgan birinchi navli bug‘doy unini olib kirish mumkin. Bundan tashqari, 2021-yil 1-yanvardan birinchi navli bug‘doy uni faqat mikronutriyentlar bilan boyitilgan holda ishlab chiqariladi va sotiladi.
Izoh (0)