O‘zbekiston Bosh prokurori Nig‘matilla Yo‘ldoshev so‘nggi 2 yilda 95 nafar hokimlik xodimlari korrupsiyaviy jinoyatlari uchun javobgarlikka tortilganini ma’lum qildi. Ular, asosan, Qoraqalpog‘iston, Andijon, Xorazm, Qashqadaryo, Farg‘ona, Jizzax, Surxondaryo, Toshkent viloyati va Toshkent shahri hisobiga to‘g‘ri keladi.
Mavzuga doir: O‘zbekistonda ikki yil ichida salkam 2000 nafar mansabdor shaxs korrupsiyaviy jinoyatlari uchun jinoiy javobgarlikka tortilgan
Bugungi kunda hokimliklar faoliyatida korrupsiyaviy holatlar ko‘paysa ko‘payyaptiki, lekin kamayishidan darak yo‘q. Hokimliklar tomonidan budjet mablag‘larini sarflashda jiddiy qonun buzilish holatlari uchramoqda. Davlat moliyaviy nazorat departamenti tomonidan so‘nggi 2 yilda mahalliy hokimiyat organlarida o‘tkazilgan 440 ta tuzilmalarining 212 tasi, qariyb yarmida 8,5 milliard so‘mlik moliyaviy qonun buzilishlar aniqlangan. Budjet mablag‘larini talon-toroj qilganlik uchun hokimliklarning 17 nafar mas’ul xodimi jinoiy javobgarlikka tortilgan. Masalan, Oqqo‘rg‘on tumani hokimining o‘rinbosari Alishev 170 million, O‘zbekiston tumani hokimligi bosh hisobchisi Hoshimov 803 million, Muborak tumani hokimi o‘rinbosari Shomurodov 938 million so‘mni talon-toroj qilgani uchun javobgar bo‘ldi.Avvalroq Arnasoy, Yunusobod, Buvayda hokimlari o‘rinbosarlari yer ajratib berish evaziga pora olganini, Toshkent viloyatida 60 ming dollarga yer sotmoqchi bo‘lgan tuman hokimi o‘rinbosari qo‘lga olingani, Chilonzor tuman hokimligi bo‘lim boshlig‘i 50 ming dollar pora bilan ushlangani to‘g‘risida xabar berilgandi.Nig‘matilla Yo‘ldoshev, bosh prokuror
Mavzuga doir:
- O‘zbekistonda 1 trln so‘m mablag‘ni naqdlashtirgan, 30 mln dollarni chet elga chiqarib yuborgan jinoiy guruh ishi sudga oshirildi
- Toshkent viloyatida fuqarolarni 2,2 mlrd so‘mga chuv tushirgan jinoiy guruh qo‘lga olindi
- Kattaqo‘rg‘onda yo‘llarni ta’mirdan chiqarilgani to‘g‘risida qalbaki hujjatlar tayyorlab, 2,4 mlrd so‘mni talon-toroj qilish holati aniqlandi
Izoh (0)