Россиялик аёл лотереядан беш тонна асфальт ютиб олди

Бошқирдистондаги Исянгулова қишлоғида истиқомат қилувчи аёл лотереядан беш тонна асфальт ютиб олди, деб хабар беради «Башинформ».

Зианчуринск туманида маҳаллий «Зианчуринск ёғдуси» газетаси обуначилари ўртасида лотерея ўтказилди. Лилия Акчурина иккинчи ярим йилликка обуна бўлиб, асосий мукофотни ютиб олди — беш тонна асфальт. Таъкидланишича, ғолиб узоқ йиллардан бери «Зианчуринск тонглари, «ЗОЖ», «1000 маслаҳат» ва «Аргументи и факти» газеталарига обуна бўлиб келган.

Акция ташкилотчиларининг маълум қилишича, иккинчи ярим йилликда иккита соврин ўйналган — бузоқча ва асфальт. «Нашр ҳурматли ҳомийларимиз, газета туман учун шунчаки зарурлигини ўйлайдиган, ўқийдиган ва тушунадиган одамлардан миннатдор», — дейилади хабарда. Бузоқчани ким ютганига ойдинлик киритилмаган.

Аввалроқ АҚШда лотерея ғолиби 22 миллион долларни дўсти билан бўлишгани, бунга 28 йил олдин берилган ваъда сабаб бўлгани тўғрисида хабар берилганди.