Navoiy viloyati Navbahor tumanida sodir bo‘lgan yo‘l-transport hodisasi oqibatida traktor haydovchisi 27 yoshli yigitning o‘ng qo‘lidan ayrilishiga sababchi bo‘ldi. Bu haqda IIV axborot xizmati xabar qilgan.
Xabarga ko‘ra “T-28” rusumli traktorni boshqargan mast haydovchi Navbahor tumani hududida harakatlanib ketayotgan Tico’ning old yon tomoniga urilgan. Oqibatda yengil avtoulovdan qo‘lini chiqarib ketayotgan 27 yoshli yigit zarb oqibatida o‘ng qo‘lidan ayrilgan.
Qayd etilishicha, mast haydovchi sodir bo‘lgan voqeani to‘liq anglab yetmay, YTH joyidan ketib qolgan. Uning yonidagi turmush o‘rtog‘i jabrlanuvchilarga tibbiy yordam berish choralarini ko‘rgan.
Traktor haydovchisiga nisbatan Jinoyat kodeksining 266-moddasi 1-qismi (transport vositalari harakati yoki ulardan foydalanish xavfsizligi qoidalarini buzish badanga o‘rtacha og‘ir yoki og‘ir shikast yetkazilishiga sabab bo‘lishi) bilan ayblov e’lon qilingan. Jinoyat ishi bo‘yicha hujjatlar tegishli chora ko‘rish uchun Jinoyat ishlari bo‘yicha Navbahor tuman sudiga yuborilgan.
Avval Navoiyda sodir bo‘lgan YTH oqibatida piyoda hamda haydovchi, boshqa bir YTHda voyaga yetmagan qizga mashinasini boshqarishga bergan haydovchi, Matiz shinasi yorilishi sababli yuz bergan YTH oqibatida 2 oylik chaqaloq vafot etgani haqida xabarlar berilgan.
Izoh (0)