Boks bo‘yicha -91 kg vazn toifasida 2020-yilgi O‘zbekiston chempionati g‘olibi Madiyor Saidrahimov musobaqadan keyingi fikrlari bilan o‘rtoqlashdi.
“Musobaqa a’lo darajada o‘tdi. Orzumga yetdim — O‘zbekiston chempioni bo‘ldim. Birinchi raqamli bokschi bo‘lishni niyat qilgandim, shukurki, murabbiylarimni ishonchini oqlab, g‘olib bo‘ldim.
Sanjar Tursunov — juda tajribali sportchi. Uning usullarini o‘rganib chiqdim va g‘alaba qozondim. Tursunov birinchi raqamli bokschi edi... Uni yutdim va orzumga erishdim”, — deydi Madiyor Saidrahimov.
Mazkur vazn toifasi finalida Saidrahimov tajribali bokschi Sanjar Tursunovni mag‘lubiyatga uchratdi. Eslatib o‘tamiz, Tursunov Tokio—2020 Olimpiadasi yo‘llanmasiga ega chiqqan bokschi hisoblanadi.
Mavzuga doir:
- Bobousmon Boturov: “Ringda har doim birinchi raqam ostida jang qilardim”
- Abdumalik Halakov: “O‘zbekiston chempionati — biz uchun eng qiyin musobaqa, bu yerdagilardan chetdagi raqiblar yengilroq”
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)