Франциянинг Эльзас шаҳрида 110 йил аввал кабутар томонидан йўқотилган немис армияси зобитининг мактуби тасодифан топилди. Бу ҳақда маҳаллий музей ходими Доминик Жарди маълум қилди, деб ёзади «Korrespondent.net».
Немис тилида ёзилган мактуб алюмин қобиқда бўлиб, у сайр қилиб юрган эр-хотин томонидан топилди. Улар мактуб ва қобиқни Орбе шаҳри Ленж довонидаги музейга топширди.
«Бундай топилмалар жуда кам учрайди. Музейдаги 40 йиллик иш фаолиятим давомида мен бунга ўхшаш нарсаларни кўрмадим», − дейди Доминик Жарди.
Унинг сўзларига кўра, қобиқ, эҳтимол, Иккинчи жаҳон урушидан кейинги ўқлар сингари юзага қалқиб чиққан.
Мактубни ўқиш учун Жарди немис ҳамкасбига юзланди. Маълум бўлишича, хат 1910 йилда полкдаги пиёда зобит томонидан ёзилган. Унда ҳарбий хизматчининг командирига мурожаати баён этилган. Матнда ўша пайтда Германия империясининг таркибига кирувчи Эльзас минтақасидаги ҳаракатлар ҳақида гап кетган. Ҳаммаси бўлиб ушбу мактубнинг 4 нусхаси юборилган ва улардан бирини кабутар йўқотган.
Ташриф буюрувчилар мактубни кўриши мумкин, у музейда махсус муҳрланган стендда намойиш этилади.
Мавзуга доир:
- Британиялик оила яшовчи манзилга юборилган мактуб орадан 100 йил ўтиб етиб келди
- Таиланддаги кўнгилочар боғ сайёҳлар чиқиндисини уларнинг ўзларига почта орқали юборишни йўлга қўйди
- Ошиқ йигит боғда танишган қизи билан боғлана олмай, у яшайдиган кўчадаги ҳамма уйга қўлда ёзган 100 та хатини ёпиштириб чиқди
Изоҳ (0)