Futbol bo‘yicha Italiya A Seriyasining 7-turida “Yuventus” 8-noyabr, yakshanba kuni “Latsio” maydonida mehmon bo‘ldi.
Uchrashuvning 15-daqiqada Krishtianu Ronaldu turinliklarni oldinga olib chiqdi. Tanaffusga qadar har ikki jamoa vakillarida bir qator imkoniyatlar yuzaga keldi. Ikkinchi bo‘lim ham teng kurashlar ostida o‘tdi.
Simone Inzagi shogirdlari so‘nggi daqiqalarda bosimni kuchaytirdi va bu o‘z samarasini bermay qolmadi. Hakam tomonidan qo‘shib berilgan vaqtning so‘nggi soniyalarida “Latsio” hujumga o‘tdi va natijada Filipe Kaysedo o‘zining aniq zarbasi bilan hisobni tenglashtirdi.
Shu tariqa ushbu o‘yindan keyin “Yuventus” 13 ochko bilan 3-o‘ringa joylashdi. “Latsio” (11) esa 9-pog‘onadan joy olgan.
A Seriya
7-tur bahsi
8-noyabr, yakshanba
“Latsio” — “Yuventus” 1:1
Gollar: 0:1 – 15 Ronaldu, 1:1 – 90+5 Kaysedo.“Latsio”: Reyna, Luis Felipe, Acherbi, Radu (Xudt, 54), Marushich, Fares (Latssari, 54), Milinkovich-Savich, Kataldi (Akpa-Akpro, 77), Luis Alberto (Pereyra, 77), Korrea, Muriki (Kaysedo, 54).
“Yuventus”: Shensni, Demiral, Bonuchchi, Danilo, Frabotta, Bentankur, Kuadrado, Kulusevski (Makkenni, 77), Rabyo, Ronaldu (Dibala, 76), Morata (Bernardeski, 89).
Ogohlantirishlar: Kataldi (45), Bentankur (51), Akpa-Akpro (78), Kuadrado (84).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)