“Chelsi” Premyer Liga 8-turida “Sheffild Yunayted”ni mag‘lubiyatga uchratdi (4:1).
Uchrashuvda londonliklar yarim himoyachisi Hakim Ziyosh yorqin o‘yin namoyish qildi. Opta ma’lumotlariga ko‘ra, marokashlik futbolchi uchrashuvda oltita golli vaziyat yaratdi va ikki bor golli uzatma muallifiga aylandi. APL 2020/21-yilgi mavsumida hali hech qaysi futbolchi bitta o‘yinda bu qadar ko‘p vaziyat yaratmadi.
Shuningdek, Ziyosh liga joriy mavsumida 180 daqiqadan kam harakat qilmagan futbolchilar orasida golli uzatma amalga oshirish bo‘yicha eng yaxshi statistikani qayd etmoqda — 90 daqiqada o‘rtacha 0,57. Shu bilan birga faqat Ziyosh golli vaziyat yaratish borasida (3,79) faqat Kevin de Bryuynedan (4,24) orta qolmoqda.
0.57 - Among all players with at least 180 minutes played in the Premier League 2020-21, Hakim Ziyech recorded the highest Expected Assists-value per 90 minutes (0.57) while only Kevin de Bruyne created more chances p/90 (4.24) than @ChelseaFC's Ziyech (3.79). Magic. pic.twitter.com/IPw3GiGs2s
— OptaJohan (@OptaJohan) November 7, 2020
Ziyosh “Chelsi”ga 2020-yilning yozida “Ayaks” safidan kelib qo‘shildi. Londonliklar klub yanvar oyida futbolchi uchun 40 million yevro to‘lagandi. Hakim “Chelsi” safida 7 ta o‘yin o‘tkazib, ikkita gol va uchta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)