“Bavariya” Bundesliga 7-turida “Borussiya D”ni mag‘lubiyatga uchratdi (3:2).
Myunxenliklar safida himoyachi David Alaba maydonda tushdi. Bu futbolchi uchun Germaniya chempionatidagi 200-g‘alaba bo‘ldi.
28 yoshli futbolchi ushbu ko‘rsatkichga 272-o‘yinda erishdi va bu rekord natija hisoblanadi. Futbolchi “Bavariya”dan tashqari “Hoffenhaym”da ham o‘ynagan.
Alaba 2020/21-yilgi mavsum Bundesligada 6 ta o‘yin o‘tkazib, ularda bitta gol urdi. Uning myunxenliklar bilan amaldagi shartnomasi 2021-yilning yozida o‘z nihoyasiga yetadi.
Avvalroq “Bavariya” himoyachi bilan shartnomani uzaytirish borasida kelishuvga erisha olmagani aytilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)