Futbol bo‘yicha Ispaniya La Ligasining 9-turida “Atletiko” 7-noyabr, shanba kuni “Kadis”ni mehmon qildi.
Uchrashuv debyutida Joau Feliks madridliklarning dastlabki golini urdi. 22-daqiqada Markos Lyorente oradagi farqni oshirdi.
Madridliklar ikkinchi bo‘lim boshida ham gol urishga muvaffaq bo‘ldi: Feliksning uzatmasidan keyin Luis Suares hisobni yirik ko‘rinishga olib keldi. Asosiy vaqtning so‘nggi daqiqasida Feliks dublini nishonlagan holda yakuniy hisobni o‘rnatdi — 4:0.
“Atletiko” ushbu g‘alabadan keyin ochkolarini 17 taga yetkazib oldi va birinchi o‘ringa ko‘tarildi. Diyego Simeone jamoasida hali ikkita zaxira o‘yini mavjud.
Xulen Lopetegi qo‘l ostidagi “Sevilya” o‘z uyida “Osasuna”ni qabul qildi. 59-daqiqada Lukas Okampos tomonidan urilgan gol sevilyaliklarga g‘alaba olib keldi.
La Liga
9-tur bahslari
7-noyabr, shanba
“Atletiko” — “Kadis” 4:0
Gollar: 1:0 – 8 Joau Feliks, 2:0 – 22 Lyorente, 3:0 – 51 Suares, 4:0 – 90 Joau Feliks.“Atletiko”: Oblak, Ermoso, Ximenes, Trippyer, Savich, Saul, Koke (Kondogbia, 72), Lyorente (Korrea, 55), Errera (Torreyra, 62), Joau Feliks, Suares (Lemar, 71).
“Kadis”: Ledesma, Kala, Fali Ximenes, Espino (Iskerdo, 46), Akapo (Alkala, 46), Augusto Fernandes (Pombo, 61), Aleks Fernandes, Yonsson (Garrido, 72), Salvi Sanches, Losano (Perea, 61), Negredo.
Ogohlantirishlar: Yonsson (57), Kondogbia (85).
“Sevilya” — “Osasuna” 1:0
Gol: 1:0 – 59, penalti Okampos.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)