Buxoro shahrida yashovchi fuqaro P.P. o‘zida OIV infeksiyasi borligini bilib turib, boshqaga yuqtirgani uchun unga nisbatan jinoyat ishi qo‘zg‘atildi. Bu haqda “Daryo”ga viloyat IIB axborot xizmati xabar berdi.
Ta’kidlanishicha, fuqaro OIV infeksiyasini yuqtirgan shaxs sifatida ro‘yxatda turgan. Undan ushbu kasallikni boshqa shaxsga yuqtirmaslik to‘g‘risida tilxat olinib, jinoiy javobgarlikka tortilishi to‘g‘risida ogohlantirilgan. Biroq P.P. 2019-yildan bugungi kunga qadar bo‘lgan vaqt oralig‘ida Kogon shahrida yashovchi 35 yoshli ayol – tanishi J.K. bilan turli vaqtlarda uchrashib, ishqiy munosabatda bo‘lgan va ayolga qasddan OIV kasalligini yuqtirgan.
Mazkur holat yuzasidan Buxoro shahar Ichki ishlar organlari faoliyatini muvofiqlashtirish boshqarmasi 4-son Ichki ishlar bo‘limi huzuridagi tergov guruhi tomonidan fuqaro P.P.ga nisbatan Jinoyat kodeksining 113-moddasi (Tanosil yoki OIV kasalligi/OITSni tarqatish) 4-qismi bilan jinoyat ishi qo‘zg‘atilgan.
Hozirda dastlabki tergov harakatlari olib borilmoqda.
Izoh (0)