Япониялик Чика исмли аёл Instagram саҳифасига ўзининг севимли мушуги – Зуунинг суратларини жойлаб боради. Унинг юз тузилиши энди уйқудан турган одамни эслатади. Шунинг учун ҳам у Instagram’да аллақачон 60 мингдан ортиқ кузатувчилар кўнглини забт этиб, машҳурликка эришди. Шунингдек, Чиканинг бундан бошқа Бокко исмли мушуги ҳам бор.
Мушуклар куни бўйи нима билан банд бўлиши мумкин? Албатта, улар ухлашни афзал билади.
«Бокко бироз тортинчоқ, бегоналарни ёқтирмайди, лекин уни массаж қилса, ёқиб тушади. У уйимда аввал яшаган типратикан билан дўст эди. Зуу эса ҳамма билан осон дўстлашади, ҳаттоки боғда учрайдиган итлардан ҳам тортинмайди.
«Иккала мушугим ясси юз бўлганлиги сабабли ҳар куни уларнинг кўз ёшини артишим керак, − дейди Чика. − Ва улар жуда ҳам дангасалиги туфайли овқат ейишни ҳам ёқтирмайди. Мен уларнинг овқатини тумшуғига қадар олиб келаман. Ишга кетаётган вақтимда уларнинг озуқасини ташлаб кетаман, аммо келганимда овқатлар доимгидек турган бўлади».
Зуу спорт билан шуғулланишни истамайди. У ҳаттоки уйнинг томига ҳам кўтарилиб кўрмаган.
Изоҳ (0)