Futbol bo‘yicha Yevropa Chempionlar Ligasining 3-turidan o‘rin olgan ikki o‘yin 4-noyabr, chorshanba kuni bo‘lib o‘tdi.
“Manchester Yunayted” jamoasi safarda “Istanbul Bashakshehir”ga qarshi bahs olib bordi. Uchrashuvning 13-daqiqasida Demba Ba istanbulliklarning qarshi hujumini muvaffaqiyatli yakunlagan holda hisobni ochdi. 40-daqiqada Edin Vishcha maydon egalarining ikkinchi golini muallif bo‘ldi.
Bunga mehmonlar birinchi bo‘limda Antoni Marsyalning goli bilan javob qaytardi. Ikkinchi bo‘limda ustunlik “Manchester Yunayted” tomonida bo‘ldi, ayniqsa, Ole-Gunnar Sulsher shogirdlari so‘nggi daqiqalarda raqib darvozasi oldida kuchli bosimni yuzaga keltirdi. Biroq o‘yin yakuniga qadar hisob boshqa o‘zgarmadi.
Yana bir o‘yin “Zenit” va “Latsio” jamoalari o‘rtasida kechdi. Uchrashuvning 32-daqiqasida Aleksandr Yeroxin mezbonlarni oldinga olib chiqdi. Bunga rimliklar 82-daqiqada Felipe Kaysedoning goli bilan javob qaytardi.
YChL
3-tur bahslari
4-noyabr, chorshanba
“Istanbul Bashakshehir” Turkiya — “Manchester Yunayted” Angliya 2:1
Gollar: 1:0 – 12 Ba, 2:0 – 40 Vishcha, 2:1 – 43 Marsyal.“Istanbul”: Gyunok, Rafael, Shkrtel, Bolingoli-Mbombo, Yepuryanu, Qahveji (Karlush Ponk, 90), Vishcha, O‘zjan (Topal, 87), Aleksich, Tyuryuch, Ba (Gulbrandsen, 80).
“Manchester Yunayted”: Henderson, Uan-Bissaka (Fosu-Mensa, 76), Shou, Tuanzebe (Maktominey, 46), Maguayr, Matich, Brunu Fernandesh, Mata (Kavani, 61), van de Bek (Pogba, 61), Reshford (Grinvud, 76), Marsyal.
Ogohlantirishlar: Tuanzebe (20), Shkrtel (89).
“Zenit” Rossiya — “Latsio” Italiya 1:1
Gollar: 1:0 – 32 Yeroxin, 1:1 – 82 Kaysedo.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)