Футбол бўйича Европа Чемпионлар Лигасининг 3-туридан ўрин олган икки ўйин 4 ноябрь, чоршанба куни бўлиб ўтди.
«Манчестер Юнайтед» жамоаси сафарда «Истанбул Башакшеҳир»га қарши баҳс олиб борди. Учрашувнинг 13-дақиқасида Демба Ба истанбулликларнинг қарши ҳужумини муваффақиятли якунлаган ҳолда ҳисобни очди. 40-дақиқада Эдин Вишча майдон эгаларининг иккинчи голини муаллиф бўлди.
Бунга меҳмонлар биринчи бўлимда Антони Марсьялнинг голи билан жавоб қайтарди. Иккинчи бўлимда устунлик «Манчестер Юнайтед» томонида бўлди, айниқса, Оле-Гуннар Сульшер шогирдлари сўнгги дақиқаларда рақиб дарвозаси олдида кучли босимни юзага келтирди. Бироқ ўйин якунига қадар ҳисоб бошқа ўзгармади.
Яна бир ўйин «Зенит» ва «Лацио» жамоалари ўртасида кечди. Учрашувнинг 32-дақиқасида Александр Ерохин мезбонларни олдинга олиб чиқди. Бунга римликлар 82-дақиқада Фелипе Кайседонинг голи билан жавоб қайтарди.
ЕЧЛ
3-тур баҳслари
4 ноябрь, чоршанба
«Истанбул Башакшеҳир» Туркия — «Манчестер Юнайтед» Англия 2:1
Голлар: 1:0 – 12 Ба, 2:0 – 40 Вишча, 2:1 – 43 Марсьяль.«Истанбул»: Гюнок, Рафаэл, Шкртел, Болинголи-Мбомбо, Епуряну, Қаҳвежи (Карлуш Понк, 90), Вишча, Ўзжан (Топал, 87), Алексич, Тюрюч, Ба (Гулбрандсен, 80).
«Манчестер Юнайтед»: Ҳендерсон, Уан-Биссака (Фосу-Менса, 76), Шоу, Туанзебе (Мактоминей, 46), Магуайр, Матич, Бруну Фернандеш, Мата (Кавани, 61), ван де Бек (Погба, 61), Рэшфорд (Гринвуд, 76), Марсьяль.
Огоҳлантиришлар: Туанзебе (20), Шкртел (89).
«Зенит» Россия — «Лацио» Италия 1:1
Голлар: 1:0 – 32 Ерохин, 1:1 – 82 Кайседо.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)