Indoneziyaningi Bali orolidagi Venus One turistik akademiya talabalariga o‘qish to‘lovini kokos va moringa yaproqlari bilan amalga oshirishga rasman ruxsat berildi. The Bali Sun’ning yozishicha bu pandemiya sabab moliyaviy zarar ko‘rganlarga yordam bo‘ladi, deb xabar beradi “Korrespondent.net”.
Ta’lim muassasasi vakili Vayan Pasek Adi Putraning aytishicha, bunga qadar talabalar to‘lovlarni qismlarga bo‘lib to‘lashi mumkin bo‘lgan.
“Biz talabalarni atrofdagi tabiiy resurslardan foydalanishga o‘rgatishimiz kerak. Shu yo‘sinda talabalar pandemiya tugaganidan keyin kerakli tajribalarga ega bo‘ladi va ularni oddiy ishchi deb atab bo‘lmaydi”, — deydi Vayan Pasek.
Qo‘shimcha qilinishicha, talabalar tomonidan keltirilgan kokoslardan akademiyada yog‘ ishlab chiqariladi keyin esa sotiladi. Moringa yaprog‘idan esa sovun tayyorlanadi.
Izoh (0)