Индонезиянинги Бали оролидаги Venus One туристик академия талабаларига ўқиш тўловини кокос ва моринга япроқлари билан амалга оширишга расман рухсат берилди. The Bali Sun’нинг ёзишича бу пандемия сабаб молиявий зарар кўрганларга ёрдам бўлади, деб хабар беради «Korrespondent.net».
Таълим муассасаси вакили Ваян Пасек Ади Путранинг айтишича, бунга қадар талабалар тўловларни қисмларга бўлиб тўлаши мумкин бўлган.
«Биз талабаларни атрофдаги табиий ресурслардан фойдаланишга ўргатишимиз керак. Шу йўсинда талабалар пандемия тугаганидан кейин керакли тажрибаларга эга бўлади ва уларни оддий ишчи деб атаб бўлмайди», — дейди Ваян Пасек.
Қўшимча қилинишича, талабалар томонидан келтирилган кокослардан академияда ёғ ишлаб чиқарилади кейин эса сотилади. Моринга япроғидан эса совун тайёрланади.
Изоҳ (0)