Hindistonning Meratx shahrida istiqomat qiluvchi shifokor ikki nafar firibgardan boylik va sog‘lik keltiradigan “Olovuddinning sehrli chirog‘i”ni sotib oldi. Erkak chiroqni 3,1 million rupiyga (41,5 ming dollar) xarid qilgan, deb yozadi BBC.
Jablarnuvchining so‘zlariga ko‘ra, u ikki nafar erkak bilan o‘zini ularning onasi deb tanishtirgan ayolni davolashni boshlaganida tanishgan. “Ular uylariga kelib turgan ruh haqida so‘zlay boshlashdi. Mendan ushbu ruh bilan uchrashishimni so‘rashdi”, — deydi shifokor.
Uning so‘zlariga ko‘ra, erkaklar tomonidan uyushtirilgan “sehrli seans” vaqtida ularning qarshisida “Olovuddin” paydo bo‘lgan. Keyinroq ma’lum bo‘lishicha, firibgarlardan biri ertak qahramoni ko‘rinishida kiyinib olgan.
Ular shifokorni “sehrli chiroq” boylik, omad va sog‘lik keltirishiga ishontirib, uni sotib olishga ko‘ndirgan. Dastlab firibgarlar chiroq uchun 15 million rupiy (201 ming dollar) so‘ragan, biroq keyinroq 3,1 million rupiy miqdoridagi dastlabki badalga rozi bo‘lgan.
Shifokor oradan biroz vaqt o‘tgachgina aldanganini tushunib qolgan.
Politsiya katta ofitseri Meeruta Amit Rayning ma’lum qilishicha, ushbu ikki nafar erkak boshqa oilalarni ham xuddi shu usulda aldaganlikda gumonlanmoqda. “Ikkilasi ham hibsga olindi. Ayol qochib ketgan”, — deydi politsiyachi.
Eslatib o‘tamiz, 2019-yilda Farg‘onada saratonni davolashda yordam beradigan “ko‘rshapalak uyasi”ni 15 ming dollarga sotgan firibgarga hukm o‘qilgandi.
Izoh (0)