Buxoro viloyati, G‘ijduvon tumanidagi “Sarmijon” YPX maskanida o‘tkazilgan tezkor tadbirda yo‘lovchining cho‘ntagidan 12 gramm giyohvand modda topildi. Bu haqda ”Daryo”ga G‘ijduvon tuman ichki ishlar bo‘limi yo‘l-patrul xizmati otryadi 3-safarbar guruhi komandiri, katta leytenant Furqat Safarov ma’lum qildi.
Ta’kidlanishicha, 2020-yilning 25-oktabr kuni Buxoro viloyat IIB JQB giyohvandlik vositalari bilan qonunga xilof ravishda muomala qilishga qarshi kurashish bo‘limi xodimlari tomonidan tumandagi “Sarmijon” YPX maskanida tezkor tadbir o‘tkazilgan.
Tadbir davomida “Samarqand—Buxoro” yo‘nalishida harakatlanib kelayotgan, Buxoro tumani “Yangiobod” MFYda yashovchi, 42 yoshli X.A. boshqaruvidagi Lacetti avtomashinasi to‘xtatib tekshirilgan. Avtomashinada yo‘lovchi sifatida ketayotgan haydovchining sherigi — Buxoro shahrida yashovchi 26 yoshli O.B.ning shimi cho‘ntagidan qora rangli polietilen sellofan topilgan. Sellofanda 12 grammga teng bo‘lgan giyohvandlik vositasi borligi, O.B. buni sotish maqsadini ko‘zlab saqlab kelayotgani aniqlangan. Giyohvand modda xolislar ishtirokida hujjatlashtirilib olingan.
Mazkur holat yuzasidan fuqarolar X.A. va O.B.larga nisbatan to‘plangan hujjatlar G‘ijduvon tumani IIO FMBga topshirilgan.Hozirda tergovga qadar surishtiruv ishlari olib borilmoqda.
Mavzuga doir:
- Samarqandda YTHga uchragan haydovchida giyohvand moddasi borligi ma’lum bo‘ldi (video)
- Toshkentdagi sheriklariga giyohvand modda yetkazib berish uchun yo‘lga chiqqan samarqandlik fuqaro qo‘lga olindi
- Denovda 800 dona gugurt qutisiga joylangan marixuanani muomalaga kiritmoqchi bo‘lgan shaxs qo‘lga olindi
Izoh (0)