Angliya Premyer Ligasining 7-turida “Manchester Yunayted” va “Arsenal” jamoalari 1-noyabr, yakshanba kuni o‘zaro bahs yuritdi.
Uchrashuvning birinchi bo‘limi mehmonlarning kichik ustunligida o‘tdi va Ole-Gunner Sulsher shogirdlari londonliklar darvozasi oldida aytarli imkoniyatga ega bo‘lmadi.
69-daqiqada Pol Pogbaning qo‘polligidan keyin mezbonlar darvozasi tomon penalti belgilandi. Uni Pyer-Emerik Obameyang muvaffaqiyatli ijro etdi. Shundan keyin tashabbus “qizil iblislar” tomoniga o‘tdi, ayniqsa, “Yunayted” o‘yin so‘ngida bosimni kuchaytirdi, biroq “Arsenal” darvozasi tomon yo‘l topa olmadi.
“Arsenal” ochkolarini 12 taga yetkazib oldi va 8-o‘ringa ko‘tarildi. “Manchester Yunayted” 7 ochko bilan 15-pog‘onada bormoqda.
Uchrashuvda kiritilgan golni bu yerda tomosha qilish mumkin — havola
“Sauthempton” safarda “Aston Villa”ni mag‘lubiyatga uchratdi va musobaqa jadvalida 3-o‘ringa ko‘tarildi. “Everton” esa “Nyukasl”ga imkoniyatni boy berib qo‘ydi va peshqadamlikni “Liverpul”ga topshirdi.
APL
7-tur bahslari
1-noyabr, yakshanba
“Manchester Yunayted” — “Arsenal” 0:1
Gol: 0:1 – 69, penalti Obameyang.“Manchester Yunayted”: De Xea, Shou, Uan-Bissaka, Maguayr, Lindelyof, Maktominey, Brunu Fernandesh (van de Bek, 75), Pogba, Fred (Matich, 62), Reshford, Grinvud (Kavani, 75).
“Arsenal”: Leno, Holding, Belerin, Gabriel, Tirni, Saka, Parti, an-Nenni, Villian (Meytlend-Naylz, 86), Obameyang (Mustafi, 87), Lyakazett (Nketia, 76).
Ogohlantirishlar: Fred (22), Holding (25), Gabriel (27), Grinvud (71), Obameyang (87), Maguayr (90).
“Aston Villa” — “Sauthempton” 3:4
Gollar: 0:1 – 20 Vestergor, 0:2 – 33 Uord-Prouz, 0:3 – 45 Uord-Prouz, 0:4 – 58 Ingz, 1:4 – 62 Mingz, 2:4 – 90+3, penalti Uotkins, 3:4 – 90+7 Grilish.“Nyukasl” — “Everton” 2:1
Gollar: 1:0 – 56, penalti Uilson, 2:0 – 84 Uilson, 2:1 – 90 Kelvert-Lyuin.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)