Англия Премьер Лигасининг 7-турида «Манчестер Юнайтед» ва «Арсенал» жамоалари 1 ноябрь, якшанба куни ўзаро баҳс юритди.
Учрашувнинг биринчи бўлими меҳмонларнинг кичик устунлигида ўтди ва Оле-Гуннер Сульшер шогирдлари лондонликлар дарвозаси олдида айтарли имкониятга эга бўлмади.
69-дақиқада Пол Погбанинг қўполлигидан кейин мезбонлар дарвозаси томон пенальти белгиланди. Уни Пьер-Эмерик Обамеянг муваффақиятли ижро этди. Шундан кейин ташаббус «қизил иблислар» томонига ўтди, айниқса, «Юнайтед» ўйин сўнгида босимни кучайтирди, бироқ «Арсенал» дарвозаси томон йўл топа олмади.
«Арсенал» очколарини 12 тага етказиб олди ва 8-ўринга кўтарилди. «Манчестер Юнайтед» 7 очко билан 15-поғонада бормоқда.
Учрашувда киритилган голни бу ерда томоша қилиш мумкин — ҳавола
«Саутҳэмптон» сафарда «Астон Вилла»ни мағлубиятга учратди ва мусобақа жадвалида 3-ўринга кўтарилди. «Эвертон» эса «Ньюкасл»га имкониятни бой бериб қўйди ва пешқадамликни «Ливерпуль»га топширди.
АПЛ
7-тур баҳслари
1 ноябрь, якшанба
«Манчестер Юнайтед» — «Арсенал» 0:1
Гол: 0:1 – 69, пенальти Обамеянг.«Манчестер Юнайтед»: Де Хеа, Шоу, Уан-Биссака, Магуайр, Линдельоф, Мактоминей, Бруну Фернандеш (ван де Бек, 75), Погба, Фред (Матич, 62), Рэшфорд, Гринвуд (Кавани, 75).
«Арсенал»: Лено, Ҳолдинг, Белерин, Габриэль, Тирни, Сака, Парти, ан-Ненни, Виллиан (Мэйтленд-Найлз, 86), Обамеянг (Мустафи, 87), Ляказетт (Нкетиа, 76).
Огоҳлантиришлар: Фред (22), Ҳолдинг (25), Габриэль (27), Гринвуд (71), Обамеянг (87), Магуайр (90).
«Астон Вилла» — «Саутҳэмптон» 3:4
Голлар: 0:1 – 20 Вестергор, 0:2 – 33 Уорд-Проуз, 0:3 – 45 Уорд-Проуз, 0:4 – 58 Ингз, 1:4 – 62 Мингз, 2:4 – 90+3, пенальти Уоткинс, 3:4 – 90+7 Грилиш.«Ньюкасл» — «Эвертон» 2:1
Голлар: 1:0 – 56, пенальти Уилсон, 2:0 – 84 Уилсон, 2:1 – 90 Кэлверт-Льюин.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)