G‘arbiy Turkiyada sodir bo‘lgan zilzila qurbonlari soni 28 kishiga etdi, deb xabar bermoqda mamlakat sog‘liqni saqlash vaziri Fahriddin Ko‘jaga tayanib, “RIA Novosti”.
“28 kishi qurbon bo‘lgan, 243 nafari esa kasalxonada davolanmoqda. Jarohat olganlarning yettitasi reanimatsiyada, ulardan uchtasining ahvoli og‘ir”, – dedi vazir.
Eslatib o‘tamiz, 30-kuni tushdan keyin Turkiyaning g‘arbiy qismida 6,6 balli zilzila sodir bo‘ldi. Zilzila episentri Egey dengizida, Izmir viloyatining Seferihisar shahri yaqinida bo‘lgan.
Izmirda kamida 20 bino qulab tushgani xabar qilindi. Zilzila kichik sunamini keltirib chiqardi, oqibatda Seferihisarning qirg‘oq ko‘chalarini suv bosdi.Zilzila kuchi Gretsiya orollarida ham sezildi. Grek seysmologlari uning kuchini 6, 9 ball deb baholadi. Zilzila oqibatida Gretsiyaning Samos orolida ikki kishi halok bo‘ldi va 20 kishi jarohat oldi. Orolda 6 oylik favqulodda holat e’lon qilindi.
Izoh (0)