Ғарбий Туркияда содир бўлган зилзила қурбонлари сони 28 кишига этди, деб хабар бермоқда мамлакат соғлиқни сақлаш вазири Фаҳриддин Кўжага таяниб, «РИА Новости».
«28 киши қурбон бўлган, 243 нафари эса касалхонада даволанмоқда. Жароҳат олганларнинг еттитаси реанимацияда, улардан учтасининг аҳволи оғир», – деди вазир.
Эслатиб ўтамиз, 30-куни тушдан кейин Туркиянинг ғарбий қисмида 6,6 балли зилзила содир бўлди. Зилзила эпицентри Эгей денгизида, Измир вилоятининг Сефериҳисар шаҳри яқинида бўлган.
Мавзуга доир: Ўзбекистон ТИВ Туркияда юз берган зилзилада ҳалок бўлган ва жароҳат олганлар орасида ўзбекистонликлар йўқлигини маълум қилди
Зилзила кучи Греция оролларида ҳам сезилди. Грек сейсмологлари унинг кучини 6, 9 балл деб баҳолади. Зилзила оқибатида Грециянинг Самос оролида икки киши ҳалок бўлди ва 20 киши жароҳат олди. Оролда 6 ойлик фавқулодда ҳолат эълон қилинди.
Изоҳ (0)